中午係屋企食完晏就落葵芳Join阿偉，
順便去Game鋪改PSP，今日終於改到，
尋日問過第二間，個老細話唔改機.......
加菲仲笑我個款似海關放蛇........
搞掂就一齊飛的上阿偉度~~~~~~
抄哂d Game俾阿偉，自己都抄d落PSP......
終於有新Game玩囉，仲要好多隻添~~~~~
係度同阿偉玩Winning，玩到有少少唔願走.........

六點走時Anna搵我，話無人陪，之後就跟埋我出老尖，
不過佢只係約左人未夠鐘~~~~~~
我同佢去到阿邪樓下，join埋彭生係Pacific等阿邪收工~~~~
Anna坐左陣就走先，之後我地落左樓下廣東道影下相，
再搵埋陶生同Pinky，九點上譚魚頭打邊爐~~~~~

呢餐食到臨尾趕住走，趕係12點前上到阿邪office睇煙花
沿途都有唔少阻滯，因為太多人啦........
11:45分前上到去office，即刻set好部機影IFC
但我唔記得點樣影連環快拍.......唯有手動係咁影..........
四分幾鐘既大廈煙花，雖然唔夠新年既華麗，
但都算幾有特色~~~~~~
可惜隔住玻璃，影得有少少模糊，不過ok啦，
如果係樓下我估直頭影唔到囉...........

影完就係度影下相傾下計，等樓下d人散哂，
一點半先落樓搭地鐵轉小巴返屋企~~~~~~

今晚都影左唔少自己都幾滿意既相，
不過部機真係要摸熟d點用先得~~~~~~~~~~

中午同阿媽、大姐一齊去工展會，
我一話差唔多去時，阿媽已經著好衫坐定等我，
成個大細路咁~~~~~~

兩點零搭地鐵去到維園，唔算好多人，
不過就有少少雨~~~~~~
阿媽一路行一路試食，大姐都叫佢唔好食咁多，
我話由佢啦，難得出黎咪由佢開心下囉~~~~~~
佢地都買左唔少野，我都買左d潤腸同湯包拎返南非
行到五點先撤退，行勻全場，都唔覺係賣平野，
最抵玩都係壽桃牌d麵~~~~~

過返銅鑼灣，我拿拿聲走上Sogo擺低手信俾Bonnie
先同佢地搭地鐵返屋企~~~~~

Arthur打黎問我去唔去佢屋企食飯.......
大姐話佢都拎到d野，咁我就係葵芳轉巴士入小欖，
七點前終於入到去，Arthur成日以為我黎過........
好彩都唔算太難搵~~~~~~~

等埋大嫂就過黃金海岸食日本料理，四個人叫左好多野，
埋單千零蚊........咁都唔算好貴
食完上返佢度拎埋隻相機三腳架先走~~~~

等巴士時史提打黎，問我篤唔篤波？
聽到我係黃金海岸，又以為唔知我同邊個女仔去撐檯腳......
咁我係葵芳落車，順便篤埋啦~~~~~~
去葵芳皇雀會篤，打左三鋪，
玩到十二點半先走，之後再係樓下傾計
史提又有新target，我又順勢推左佢兩野.......
不過今次唔係好大力......做人積極都係好事黎既~~~~~~
傾到兩點零就返上樓~~~~~~

好多年無同阿媽行街囉，見到阿媽今日咁開心我都好開心~~~~

聽晚除夕夜，我連三腳架都預備埋，
唔知睇唔睇得成煙花呢？

晨早出灣仔入境處補領身份證，
九點半去到........拎到既籌已經去兩點半.....
唯有周圍蕩下，阿Joe又唔得閒，
去捐血站又未開門，去機鋪打陣機，
之後去茶記hea住打PSP，
玩玩下個十字鈕有問題.......果陣一點幾，
拿拿聲拎去188整，只係裡面舊膠老化要換.....
諗諗下，兩點半上到去可能仲要等，
之後仲要入加菲度.......都係唔整住囉
直接落荃灣，轉巴士叫埋Bonnie上車，
一齊入加菲度........
Bonnie個東菇頭，仲要染返黑.......
好似好多年未見過佢黑髮~~~~~

幫加菲買完野先上佢度，
一上去就搵野抄，但部PSP model太舊，
加菲都搞唔掂，要出去Game鋪試下搞.........
Bonnie就係咁睇卡通片睇到定哂形.........

Anna打黎，話想入埋黎，但講講下又話唔入......

今晚食豬手，今次食完一隻又已圓寂........
唔明上次點解食到兩隻..........

阿Joe八點零入到黎，幫佢抄左大量既NDS game.......
PSP同NDS Game，加埋成80G........好彩仲有位

我入房抄野時，一坐落張椅就斷左腳，
連人帶位跌落地，阿Joe同加菲入黎見到呆左，
我地三個人對望左好幾秒，佢地有反應扶返我起身........
好彩無再撞爛其他野.........
但加菲就笑到爆血管咁劑，谷到面到紅哂..........
阿Joe就更加唔使講啦.........又多一單野講成世........
但我唔覺得張椅無內傷下俾我坐爛囉..........

十點零一齊閃人，我送Bonnie返屋企，
係樓下傾左陣先上樓，臨走時Boonie叫我，
臨飛前食多餐飯，我話有d難度，俾我諗諗先........
落樓先醒起無入屋同世伯、伯母打聲招呼........
不過算啦，都咁夜囉~~~~~~

之前佢Bonnie千叮萬囑，去過邊度都要買手信
但今日我唔記得拎出黎.........唔知仲會唔會見到佢.......
聽日可能去工展會，順道上Sogo擺低俾佢啦~~~~~~

一點搭巴士去到沙田Join阿Joe，遁例食埋個飯，
先搭火車入大埔~~~~~~
我地到左無耐Leo黎到~~~~~
一見到Leo.......好明顯係漲左好多，尤其塊面.......

釣左半日都係魚毛size，仲要打水戰.........
我地又不停咁咒罵陳威.......呵

玩到夜晚開始有大魚，我臨尾都中兩條大魚，
其中一條鯉好肥........單手撈佢上黎都唔夠力.......
夜晚見無人.......佢兩個又係度喪叫........
附近d村民真係多得我地唔少........哈

玩到九點收桿，我抽起條肥鯉影相，
佢掙扎跌左落地.......撞到d雜物跌落地..........
之後發現盞射燈跌斷左個頭.......
阿Joe就用電線縛住個頭，扮到無斷過咁.......
俾返事頭婆我地就雞咁腳走.........一年後先返黎算賬啦.....
但原來唔止我整爛燈，Leo都扯斷左佢盞燈條電線.......
唔怪得佢仲走得快過我.............

同阿Joe去太子豪園食魚湯飯.......咁正既魚湯飯，
大概要一年後先再食到囉...........

返到屋企，我哥爆左俾我聽，未離婚時出面已經有女友........
我真係無野好講，今晚仲要幫佢搵歌download去手機......
擺明用黎溝女........仲要老土到爆.........
連[其實你心裡有沒有我]都出埋........
好彩我仲有keep隻CD........唔係就搵餐懵..........

約左四點上娟姐度，出門口前加菲打黎，
話佢係旺角，有無興趣落黃金行，
咁我就叫佢出埋黎上娟姐度先

三點係裕華join埋就去茶記坐陣，夠鐘就上娟姐度
我淨係問左工作同父母既健康，工作無問題，
而今年阿爸就會多d病痛........
另外有人口痕又問我有無拖拍......娟姐都係講果d野啦......
咩有大把女仔埋我身，又叫我唔好咁揀擇.......
今次仲話我豬乸命.......d仔女匿係床下底等緊我........
好似講緊鬼故咁............

睇完我同加菲去黃金，晏d先join埋阿Joe阿邪打保齡，
同加菲係街頭掃小食，有少少食過龍.......好飽.......
買左張8G memory stick，俾加菲幫我整部PSP，
之後再掃埋個speaker.....$250好抵玩，只係大部左D......
行哂所有場時，係街邊抖抖準備閃時，
Anna打黎，喊哂咁問我係邊？
問我可唔可以過去搵佢？
約左阿Joe佢地都要推左先，唔知Anna咩事........
阿邪之後再打黎問咩事，叫我搞掂快d出黎，
再唔係帶埋Anna出黎啦.......哦.....

返到葵興見到Anna，不過都返我屋企擺底d野先，
之後落左光輝圍陪佢食野..........
同佢傾左陣，心情好返d，佢都肯同我出埋去打波

去到奧海城都九點幾十點，阿Joe老表都係度，
不過Anna就無乜點埋佢..........
Anna第一次打保齡，佢問到我咪教下佢囉，
阿邪竟然詐我型，話我係佢剛開始時又唔教佢？
使唔使我教呀？阿Joe仲打得好過我啦..........

Anna玩左兩鋪就手軟唔玩，
而我地亦都打多左1 round都走人，
阿腸係地鐵接Anna返屋企，Anna就急急腳走先
我就行返過MK搭小巴返屋企.......
聽日去歐陽度釣魚~~~~~~

好耐無見過朋友喊........

晨早八點三同Anna搭930過信德，
小尤已經買埋船飛，係信德等緊我地..........

咁耐都係第一次見阿成........嗯....
我開始明小尤結左婚都仲有人咁死纏爛打........

過關時，個關員見到我個passport......
就同我講，用特區護照好可能入唔到澳門喎.......下？
再三問我係咪真係過去先？.......
佢地三個人都過左關，船飛又買埋，都要去架啦........
但都係始終唔太解釋點解唔得..........
其實由果刻開始，我已經打定輸數，
咪當遊般河囉.......問題係Anna姐.......

笫一次坐頭等，普通位無位.......貴一百蚊.......
一個鐘唔使就去到澳門，一落船我就行先，
但一見到個passport，就帶左我入房，
而且講真係唔入得境...........
小尤就打黎我唯有叫佢幫我照顧Anna，
但Anna話不如同我一齊走.......都過到黎無謂啦，
而且我搭最近班船，佢都買唔切飛啦.........
上船前，收到風之後仲有兩個同我一樣入唔到境.......
綜合幾個解釋，比較似樣既答案，
就係話passport係出國海外用，但香港&澳門同屬特區，
唔算境外，所以證件只接受身份證.........

就係咁.........我呢個港人，就被遣返回港........
呢d經驗真係無乜人有囉...........

返到香港，只係等左幾分鐘，就安排我唔使排隊入境~~~~

我見十二點都未夠，由西港城開始，
扮遊客遊覽中西區，行上去o摩囉街、文武廟、
九記牛腩、威靈頓街、結志街、行人天橋、
中區警署、蘇豪區.......最後上到羅便臣道，
先搭返巴士落灣仔，上左車先打俾阿Joe，
佢仲以為我中左Jackpot即刻返香港..........

打左陣機，好早就過左MK行模型鋪，
行左好耐都係無收獲........
上左潮流特區行，突然挑起條根想買錶.......
我都好多年無帶錶囉.......阿Joe話不如返老銅，
識間鋪有我d款兼有得拆，順便佢都有隻錶到左可以拎

去到我睇中隻全黑鋼Protrek，折實千五個大洋~~~~~~
ok啦，今年都未買生日禮物俾自己，
今日去唔成澳門，(滯)港消費啦.............

Anna返黎打俾我，話今日唔想阻佢地玩，
淨係係賭場玩......下.......一定悶死左佢..........

食完飯就上左灣仔十大溫書，hea到11點先走
聽日約左去探娟姐~~~~

係屋企食晏，同阿信打陣機，
二點零先出MK join 阿Joe，
出左門口落到地鐵站先發現無帶passport......
又要返上去拎........

hea左陣，等陣阿邪黎，係朗豪坊睇[葉問]，
果然如宣傳所講咩宇宙最強........
全套戲甄子丹可謂全無對手~~~~~~
不過都打得幾好睇~~~~~~

跟手上左譚魚頭打邊爐，
阿邪等左呢日好耐囉........呵

返到屋企，二哥一見到我就叫我唔好出聲.......
原來佢又係度捲草.........
之前叫左佢要搞都唔好係屋企搞，真係無得救........

十點半出門口，帶埋阿津出二姐度先，
今次裝到隻Game啦，不過佢玩唔起.......超窒

十二點去食Lunch buffet，全家都黎哂
食完同阿信去左旺電買電腦手掣先返上去

Hea到晏晚先一齊返葵芳酒樓做節~~~~
Arthur同我換左部相機，依家呢部係Nikon D70，
好大部下........尤其要跟埋個相機袋...........

拎住d野去美孚Join阿邪阿Joe，保齡球場平安夜都打比賽，
話要等到11點半先開始有得打..........
之後十點零有一條ling可以打，
但問返11點半就要交返出黎，俾訂左既客........都玩住先啦......
十一點半玩完就一齊返青衣，又去海旁食野傾計.......
好似好耐無咁樣一齊坐低齋吹水~~~~~~
之後又同彭生搭巴士，出MK轉小巴返屋企~~~~~~
大時大節真係無咩好做，捱埋今年，
出年佢地會有個竇可以Hea啦~~~~~

朝早十點起身，想早d出門口，但搞搞下又晏，
阿媽係咁叫我食埋晏先.....嗯，下晝先出啦

部電腦俾姐夫搞到面目全非.........
佢幫部腦搞上網，順手裝埋防毒，
剷左個NOD32，仲剷埋個Norton Backup........
見到Norton就以為防毒.............唉
D系統聲又唔見哂........點解要搞咁多野架佢？

飯後出去長沙灣政府合署，上到去超多人......
已經派哂籌，問人係咪要報失先，佢話唔使，
下次上黎直接做就得..........哦

約左阿Joe旺角等，我就順道去鴨寮街影幾張相先過去
係旺角周圍行搵街邊野食，今次返黎要放盡咁食.........
慢慢行去老尖等阿邪放工，沿途一路扮遊客係咁影相........
齊人就去妹記食飯........D野真係唔差，
砵仔蒸魚腸同黃金蝦好正！


阿邪又有三件衫俾我，好鍾意，但個牌子咁熟口面既......

之後行左去尖東影下相，同佢地坐巴士，我落MK轉小巴返屋企~~~~
約好小尤兩公婆26號過大海，Anna都跟埋去~~~~~
聽日早少少帶阿津去二姐度，我幫阿信部腦裝多次隻GTASA.......

拎d衫出黎睇，發現好熟果個牌子，原來係Made in South Africa.......

係Dubai機場等轉機.......
由當地時間朝早五點等到十一點先起飛.......
Warren班機仲要遲我一個鐘，
我同佢搵地方攤抖下，
佢超累......但我見佢已經訓左好耐
我抖一陣，由佢繼續訓，我周圍行下~~~~~
八點零佢醒，同佢再行一圈，
買左少少手信，無乜現金.......唔想換錢同look咭

十點零上機，呢程就較多香港人，
我隔離係一個加拿大華裔女仔，
因為大風雪，佢20號開始，由加拿大轉飛去紐約、
法國、杜拜.......呢程係最後一程返香港，
坐左兩日幾飛機........我聽到都覺得恐怖.......

我應該有訓左一陣.....只係一陣......
準時香港時間夜晚九點降落，約左阿Joe阿邪青衣等......
但我搭錯車去左葵芳落......唯有返屋企擺低野再出黎
係長發買外賣去海旁食~~~~~
俾埋手信同阿Joe既生日禮物~~~~~
送完阿邪上樓，夜啦啦同阿Joe出MK銀龍Hea茶，
坐到兩點幾先散~~~~~~
聽日想早d起，去搞身份證......不過咁累.......